Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Translation of Report of Middle Island Native Land Purchase Commissioners

Akaroa

Akaroa.

E whakaaro ana hoki maua tera e taea te whakahaere te Akaroa Poraka i raro ano i te huarahi kua tohutohua atu nei mo nga Poraka o Ngaitahu me Otakou. I roto i nga pukapuka i tuhia i runga i te Hoko a Komihana Matara i Poti Kupa me Poti Riwi i kiia e te Kawanatanga i uru ano ki roto ki te Hoko a Te Kepa. E whakahau ana nga kupu a Kawana Ea, i tuhia ra e ia ki runga ki te pukapuka whakaako ki a Te Matara kia whakaarohia peneitia, ara me waiho hei rahui mo nga Maori nga wahi katoa o Akaroa e hiahiatia ana e te Niu Tireni Kamupane, kia whakahokia a muri i runga i te utu whakarite; a e tukua atu ana ki te Kuini te mana mo nga whenua i runga i nga hokonga kua oti ra te whakarite, ko enei whenua i kapea atu ki waho o tenei tikanga, ara ko nga ereme a te Kamupene Wiwi me nga rahui i whakaritea mo ratou mo nga Maori. No reira ka tika page 5kia whakatakotoria ki te taha Kawanatanga nga moni i utua mo Akaroa me etahi atu poraka i reira natemea i utua hei oranga mo Ngaitahu, ma tenei e whakaiti nga moni i kiia ra me waiho hei nama. E kitea ana i roto i nga pukapuka whakaatu, mo te Poraka o Akaroa, he maha nga tangata whaitake e ngaro ana i te hokonga a te Hamaritana, a kua hoki ano i muri mai nei, kei te noho mate i te kore whare me te kore kainga, a kaore hoki e tukua ana kia uru ki nga rahui, kaore hoki i tango i nga moni o te hoko. I hiahia ano a Hoani Papita kia whakaritea tetahi taha nui o te Rahui i Akaroa hei oranga mo nga tangata i ngaro, otira kaore i taea e ia.