Other formats

    TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1902-1903

Keehi Kooti Whenua Maori

Keehi Kooti Whenua Maori.

Hone Heke (mema mo nga Maori o te Tai Tokerau). —Ka patai ahau ki te Minita mo nga Mea Maori, He aha nga take whakamarama a te Kooti Whenua Maori, mo tana kore e whakahaere i nga tono roherohe mo Porangahau Nama 1b, Nama 4, me Mangamaire B Poraka, i tukua mad nei e nga Maori ki te Tari o te Kooti Whenua Maori i Poneke, kua maha noa atu nei nga panuitanga o aua keehi ki roto ki te Kahiti, a i meatia kia whakarangona ki Hehitingi, a he aha te take i kore ai te Kooti e whakaae ki te haere ki Porangahau i runga i te inoi a te nuinga o nga Maori na ratou nga tono, pera me te panui i puta nei i roto i te Kahiti i te rua o nga tau ka taha nei? Kotahi ano tangata e whakaroa nei i roto i nga tau ka toru, ko Ripeka. Ka whakaae ranei te Minita ki te whai kupu atu ki te Tumuaki o te Kooti Whenua Maori kia uia e ia te hiahia o nga kaitono, a mehemea ranei e rite te Kooti ka tu tata nei ki Taniwaka hei Kooti whakarongo i aua tono a ratou?

Timi Kara (Mr. Carroll, Minita mo nga Mea Maori). —Ka whai kupu ia ki te Tumuaki mo taua take, a mana e whakaatu ki te honore mema te kupu.